ಹದಿಹರೆಯವು ಹೆದೆಯೇರಿದೆ,
ಹರುಷ, ಹಿಗ್ಗು ಹೊಮ್ಮುತಿದೆ!
ಹಾಲ್ಗಲ್ಲದ ಹಾಲು ಹಿಂಸರಿದಾಯ್ತು,
ಹೊಂಬಣ್ಣಕೆ ಹೆಜ್ಜೆಯ ಹಾಕಾಯ್ತು.
ಹಸುಗೂಸುಗಳಲ್ಲ ಹದಿಹರಯದ ಹುಂಬರು,
ಹುರುಪಿನ ಹಬ್ಬಕೆ ಹದವಾಗಿಹರು!
ಹದ್ದನು ಹೇರುವ ಹೆತ್ತವರನಿವರು,
ಹದ್ದಿಗೆ ಹೋಲಿಸುವ ಹತಾಶರು!
ಹಿತೈಷಿಗಳು ಹಾಡುವ ಹಿತನುಡಿಯು,
ಹಿಡಿಸದೆ ಹಿಂಡಿ ಹಿಪ್ಪೆಯಾದವರು!
ಹಂಬಲಿಸುತಿದೆ ಹೃದಯವು,
ಹೊಸತನದ ಹಸಿ ಹರುಷಕೆ,
ಹದ್ದುಗಳ ಹರಿದು, ಹೆದಿರಿಕೆಯ ಹುರಿದು,
ಹಕ್ಕಿಗಳಾಗಿ ಹಾರುತ್ತ ಹೋಗಲು!
