ಮೋಹಕ ಚೆಲುವೆಯೆ ಮಾದಕ ನೋಟವು
ದಾಹವ ಹೆಚ್ಚಿಸಿ ಹುಚ್ಚನು ಹಿಡಿಸಿದೆ
ಸಾಹಸಿಯಾಗಿಹೆ ಚಂಚಲ ಕಂಗಳ ಬಾಣಕೆ ಗುರಿಯಾಗಿ!
ರೋಹಿತ ತುಟಿಗಳ ಚುಂಬಿಸೊ ಬಯಕೆಗೆ
ಮೋಹವು ಹೆಚ್ಚಿದೆ ತನುವದು ಕಾದಿದೆ
ದೇಹಕೆ ತಣ್ಣನೆ ಮದ್ದದು ಬೇಕಿದೆ ತಾಪವ ತಗ್ಗಿಸಲು!
ನಿನ್ನಯ ಬಾಹ್ಯದ ಚೆಲುವದು ಚುಂಬಕ
ನಿನ್ನಯ ಮನಸೂ ಬಹುವಿಧ ಸುಂದರ
ಮನ್ನಿಸಿ ಬೆಡಗಿಯೆ ನನ್ನಯ ಜೊತೆಯಲಿ ಪಯಣಿಗಳಾಗುವೆಯಾ?
ಮುನ್ನುಡಿ ಬರೆಯುವ ನಮ್ಮಯ ಬಾಳಿಗೆ
ಕನ್ನಡಿಯಾಗುವ ದೈವದ ತತ್ವಕೆ
ಹೊನ್ನಿನ ಮಾದರಿ ಮಿನುಗುತಲಿರುವ ಪ್ರೇಮದ ಲೋಕದಲಿ!