ರಾಮ ರಾಮ ರಾಮ ಶ್ರೀ ರಾಮ ರಾಮ ರಾಮ
ರಾಮ ರಾಮ ರಾಮ ಶ್ರೀ ರಾಮ ರಾಮ ರಾಮ
ರಾಮನ ನಾಮವೆ ತಾರಕ ಮಂತ್ರವು
ಕಾಮನೆಗಳನೇ ಸುಡುವಾ ಅನಲ
ತಾಮಸ ಕಾಯಕೆ ಚಲಿಸುವ ಬಲವ
ನಾಮದ ಮಾತ್ರದೆ ನೀಡುವ ಸಬಲ ||
ಮರಮರ ಎನ್ನುವ ರತ್ನಾಕರನಿಗೆ
ವರಗಳ ನೀಡಿದೆ ಕಾವ್ಯವ ರಚಿಸೆ
ಸರಯೂ ತೀರದ ಚೆಲುವಿನ ಪುತ್ತಿಗೆ
ಕರೆದರೆ ಬರುವೆಯ ಎನ್ನನು ಹರಸೆ ||
ಜನರನು ಕಾಡುವ ದೈತ್ಯರ ಕೊಂದವ
ಮನದಲಿ ಎನ್ನಯ ದೋಷವ ಕೊಲ್ಲು
ಹನುಮನ ಹೃದಯದಿ ನಿಂತಿಹೆ ರಾಘವ
ಕನಿಕರ ತೋರೋ ಎದೆಯಲಿ ನಿಲ್ಲು ||
ವಂದಿಪೆ ರಾಮನೆ ನಿನ್ನಯ ಪಾದಕೆ
ಬಂದಿಹೆ ನಮಿಸುತ ಕರುಣೆಯ ಬೇಡಿ
ಚಂದದಿ ಕರೆಯೋ ಆತ್ಮದ ಸನಿಹಕೆ
ಗಂಧದ ಹಾಗೆಯೆ ನನ್ನನು ತೀಡಿ ||
ರಾಮ ರಾಮ ರಾಮ ಶ್ರೀ ರಾಮ ರಾಮ ರಾಮ
ರಾಮ ರಾಮ ರಾಮ ಶ್ರೀ ರಾಮ ರಾಮ ರಾಮ
