ಬಾ ಬಾ ಚಿಟ್ಟೆ ಬಣ್ಣದ ಚಿಟ್ಟೆ,
ಚೆಂದವು ನಿನ್ನ ಬಣ್ಣದ ಬಟ್ಟೆ!
ಕೆಂಪು, ಹಳದಿ, ನೀಲಿ, ಹಸಿರು,
ಹೋಳಿ ಹಬ್ಬವು ತುಂಬಾ ಜೋರು!
ಚಿಟ್ಟೆ ಚಿಟ್ಟೆ ಹಾರುವ ಚಿಟ್ಟೆ,
ಹಾರುತ ನೀನು ಎಲ್ಲಿಗೆ ಹೊರಟೆ?
ಮೇಲೆ ಕೆಳಗೆ ಏತಕೆ ಹಾರುವೆ?
ಹೂವಿನ ಮೇಲೆ ಏತಕೆ ಕೂರುವೆ?
ಹೂವಲಿ ಏನನು ಹೀರುವೆ ನೀನು?
ಅದರಲಿ ಇದೆಯೇ ಸಿಹಿ ಸಿಹಿ ಜೇನು?
ಸಿಹಿ ಸಿಹಿ ಸಕ್ಕರೆ ಕೊಡುವೆನು ಬಾ,
ಗಡಿಬಿಡಿ ಮಾಡದೆ ಸುಮ್ಮನೆ ಬಾ!
ಬಂದರೆ ನಿನ್ನ ಜೊತೆಯಲಿ ಆಡುವೆ,
ಹಾರುವ, ಓಡುವ, ಮರಗಳ ನಡುವೆ!
ಆಡಲು ನಿನಗೆ ಗೊಂಬೆಯ ಕೊಡುವೆ,
ಬೇರೆ ಬಣ್ಣದ ಬಟ್ಟೆಯ ತೊಡಿಸುವೆ!
ಬಾ ಬಾ ಚಿಟ್ಟೆ ಬಣ್ಣದ ಚಿಟ್ಟೆ,
ಬಾ ಬಾ ಚಿಟ್ಟೆ ಬಣ್ಣದ ಚಿಟ್ಟೆ!