ಸೌರಮಂಡಲಾಧಿಪ

ಸ್ವರ್ಣ ಹಸ್ತ, ವರ್ಣ ಜನಕ,
ಆತ್ಮಕಾರಕ, ಕರ್ಮಯೋಗಿ.
ಅಂಬರ ತಿಲಕ, ದಿವ್ಯ ಚೇತನ,
ನಿತ್ಯ ನೂತನ ದಿನಕರ.

ಸಹಸ್ರ ದೀಪ, ಸಹಸ್ರ ಹಸ್ತ,
ನವ ಗ್ರಹಗಳ ನಾಯಕ.
ಸರ್ವ ಪೂಜಿತ, ಚಂದ್ರ ಸ್ನೇಹಿತ,
ಉಷಾ, ಸಂಧ್ಯಾ ಪ್ರಿಯಕರ.

ಛಾಯಾ ಪ್ರಿಯಪತಿ, ಪುತ್ರ ವೈರಿ,
ಸಪ್ತಾಶ್ವ ರಥನಾಯಕ.
ಅಸ್ತಿ ಕಾರಕ, ಅಸ್ತು ಹಸ್ತ,
ವೃಕ್ಷ ಸಂಕುಲ ರಕ್ಷಕ.

ದಿವ್ಯ ಜ್ಯೋತಿ, ಭವ್ಯ ಬಂಧು,
ಮಾಣಿಕ್ಯ ರತ್ನ ಭೂಷಿತ.
ಕ್ರೂರ ಹಸ್ತ, ಅಂಬರ ನೇತ್ರ,
ಮನುಕುಲ ಸಂಪೂಜಿತ.

ಭೂಮಂಡಲ ಭಾಗ್ಯಜ್ಯೋತಿ,
ಸೌರಮಂಡಲಾಧಿಪ.
ವಂದೇ ದೇವ, ವಂದೇ ದೇವ,
ರಥಸಪ್ತಮಿಯ ಶುಭದಿನ.