ಕನ್ನಡಾಂಬೆ

ಅಮ್ಮ ಅಮ್ಮ ಕನ್ನಡದಮ್ಮ,

ಮುದ್ದು ಭಾಷೆಯ ಕೊಟ್ಟಿಹೆಯಮ್ಮ,

ನಮ್ಮಯ ನಾಲಿಗೆ ಪಾವನವಮ್ಮ,

ಕೋಟಿ ನಮನವು ನಿನಗೆ ಅಮ್ಮ.

ಮುತ್ತಿನ ಮಣಿಗಳ ಲಿಪಿಯನು ಇತ್ತೆ,

ಸವಿ ಸವಿ ಜೇನಿನ ಪದಗಳ ಕೊಟ್ಟೆ,

ಕತ್ತುರಿಯಂತಹ ಕಂಪನು ತುಂಬಿದೆ,

ಕುತ್ತಿಗೆಯಾಣೆ ನಿನ್ನನೇ ನಂಬಿದೆ!

ರನ್ನ, ಜನ್ನ, ಪಂಪರು ಎಲ್ಲರೂ,

ಹೊನ್ನಿನ ಸಿಂಹಾಸನವನೇ ಇತ್ತರು,

ಮಹಾದೇವಿ ಅಕ್ಕ, ಬಸವೇಶ್ವರರು,

ವಚನದ ಕುಸುಮವ ಪೂಜೆಗೆ ತಂದರು!

ಕುವೆಂಪು, ಬೇಂದ್ರೆ, ಮಾಸ್ತಿಯವರು,

ರೇಶಿಮೆ ಕನ್ನಡ ಸೀರೆಯ ನೇಯ್ದರು,

ನರಸಿಂಹ ಸ್ವಾಮಿ ನಗುತ  ಬಂದರು,

ಮುಡಿಗೆ ಮೈಸೂರು ಮಲ್ಲಿಗೆ ತಂದರು!

ಬಂದರು ಬಂದರು ಸೂಟಲಿ ನಿಸ್ಸಾರು,

ನಿತ್ಯೋತ್ಸವಕೆ ಚಾಲನೆ ಕೊಟ್ಟರು!

ಅರಿಶಿನ, ಕುಂಕುಮ ಬಾವುಟ ಹಿಡಿದೆವು,

ನಿನ್ನಯ ಪೂಜಿಸೊ ಭಕ್ತರು ನಾವು!