ಊಸರವಳ್ಳಿ, ಊಸರವಳ್ಳಿ,
ಬಣ್ಣವ ಬದಲಿಸೊ ಕಳ್ಳಿ, ಮಳ್ಳಿ!
ನಿಮಿಷಕೆ ಒಂದು, ಚಣಕೆ ಒಂದು,
ಬಣ್ಣವು ಈ ಮನಸಿನ ಬಂಧು!
ಪಾತರಗಿತ್ತಿ, ಪಾತರಗಿತ್ತಿ,
ಹೂವಿಂದ ಹೂವಿಗೆ ಹಾರುತ್ತಿ!
ಆಕಡೆ, ಈಕಡೆ ಹಾರು ಬೇಡ,
ಮನಸೇ ನಿಲ್ಲು ನೀ ಒಂದು ಕಡೆ!
ಮನಸೇ ನೀನು ತಂಪಿನ ಗಾಳಿ,
ಆಗುವೆ ಆಗಾಗ ಸುಂಟರಗಾಳಿ!
ತಲ್ಲಣಗೊಳಿಸಿ, ತಪ್ಪನು ಮಾಡಿಸಿ,
ಬಿರುಗಾಳಿ ಎಬ್ಬಿಸುವೆ ಬಾಳಿನಲಿ!
ಬೆಣ್ಣೆಯು ನೀನೇ, ಬಂಡೆಯು ನೀನೇ,
ಕೋಪದ ಬೆಂಕಿಯ ಉಂಡೆಯು ನೀನೇ!
ಕರುಣೆಯು ನೀನೇ, ಧರಣಿಯು ನೀನೇ!
ಸಹಸ್ರ ಮುಖದ ಮಾಯೆಯೂ ನೀನೇ!
No comments:
Post a Comment