ಹೃದಯ ವೀಣೆಯ ಮೀಟಿ,
ಮಧುರ ರಾಗವ ನುಡಿಸು!
ಮಿಲನದಾಸೆಯ ನಾಟಿ,
ಎದೆಯ ನೋವನು ಮರೆಸು!
ಮರೆತು ಹೋದೆಯ ನೀನು?
ಜೊತೆಗೆ ಕಳೆದಾ ಸಮಯ!
ಸಾಕ್ಷಿ ರವಿ, ಶಶಿ, ಬಾನು,
ಮಿಡಿವ ನನ್ನಾ ಹೃದಯ!
ಚಂದ್ರನಣುಕಿಸಿದ ನನ್ನ,
ತೊಟ್ಟು ತಾರೆಯ ಮಾಲೆ!
ಬಾನು ಕೇಳಿದೆ ನನ್ನ,
ಕೊಡಲೆ ಮೇಘದ ಓಲೆ?
ನೀ ನುಡಿದ ಪಿಸುಮಾತು,
ಕಿವಿಯಲಿ ಗುನುಗುಟ್ಟಿದೆ!
ನಿನ ಕಣ್ಣ ಸವಿಮಾತು,
ಎದೆಯಲೇ ಮನೆ ಕಟ್ಟಿದೆ!
ನೀನು ಬರದಿರೆ ಈಗ,
ಮಿಡಿವುದೇ ಈ ಹೃದಯ?
ಬಂತದೋ ಬಹಬೇಗ,
ಕೊನೆಯ ಉಸಿರಿನ ಸಮಯ!
No comments:
Post a Comment